Brodor o Went yw Frank Olding ac mae’n byw yn y Fenni. Cyhoeddodd ddwy gyfrol o farddoniaeth gyda Gwasg y Bwthyn, sef Mynydd Du (2012) ac Eilun (2019). Mae ef hefyd wedi ysgrifennu llyfrau ac erthyglau ffeithiol am archaeoleg a hanes Cymru, gan gynnwys Archaeoleg Ucheldir Gwent/The Archaeology of Upland Gwent (2016: CBHC) a Llên Gwerin Blaenau Gwent (2010: Gwasg Carreg Gwalch). Fe oedd golygydd Cymraeg Poetry Wales rhwng 1988 a 1995 ac mae’n helpu rhedeg gwasg farddoniaeth fechan The Collective Press ers 1990. Yn ddiweddar, cyhoeddodd The Taliesin Sourcebook (Green Magic).
