Ers graddio yn y Gymraeg o Brifysgol Bangor yn 2017, mae Rhiannon Lloyd Williams yn byw yng Nghaernarfon ac yn gweithio i S4C yn rhan o’r tîm marchnata. Yn 2018 roedd Rhiannon yn rhan o Gynllun Mentora Llenyddiaeth Cymru ac yn yr un flwyddyn cynhyrchwyd ei ffilm fer Paid Troi Nôl yn rhan o gynllun It’s My Shout. Ers hynny, mae wedi cyfrannu at y cyfrolau Byw yn fy Nghroen ac Adref, ac yn gyfrannydd cyson i’r gyfres Stori Tic Toc ar BBC Radio Cymru. Mae hi hefyd yn gyd-sylfaenydd y wefan Cant a Mil o Freuddwydion, sef gwefan rhad ac am ddim sy’n cynnwys straeon nos da Cymraeg i blant. Ei hoff genre yw Sci-fi.
